चिमण्यांची संख्या का घटते…इंडियन स्पॅरोमॅनचे काय म्हणणे, जाणून घ्या!

पर्यावरणात जे गिधाडांबरोबर झाले ते आपल्याला चिमणीबरोबर होऊ द्यायचे नसेल तर आताच पुढे येण्याची गरज आहे. मात्र जेव्हा जेव्हा चिमणी वाचवा असा विषय चर्चेला येतो, तेव्हा अनेकजण याकडे पाठ फिरवतात. यामुळेच सध्या चिमण्यांची संख्या कमी होत आहे. अनेक उद्यानांमध्ये शोभेची आणि विदेशी प्रजातीची झाडे असतात, त्यामुळे चिमण्या तेथे निवारा करू शकत नाहीत. तसेच शहरात कावळे आणि कबुतरांची वाढती संख्या हेदेखील चिमण्यांची संख्या घटण्यामागे एक कारण असल्याचे ‘इंडियन स्पॅरोमॅन’ म्हणून ओळख असलेले तथा नेचर फॉर एव्हर सोसायटीचे अध्यक्ष  मोहम्मद दिलावर यांनी भीती व्यक्त केली.